ПАГАЛЫМЕ МАРИЙ-ВЛАК!
30 июльышто Волжский район Корамас кундемыште, «ЧОТКАР ПАТЫР» тӱвыра да историй комплексыште «УМБАЛНЕ ЭЛНЕТ ӰМБАЛ КАНДЕ» X ФЕСТИВАЛЬ лиеш. 13.00 шагатлан тӱҥалеш.
ЧЫЛАНДАМАТ ПАГАЛЕН ӰЖЫНА ДА ВУЧЕНА.
ФЕСТИВАЛЬ «УМБАЛНЕ ЭЛНЕТ ӰМБАЛ КАНДЕ» («Синева над Илетью-рекой») – муро, куштымаш, калык пайрем. Раисися Даниловам пагалыше ятыр лӱмлӧ артист-влак толыт да сӧрастараш тӱҥалыт.
Мероприятий Тӱвыра министерстве пеленысе Калык творчестве рӱдер дене пырля эртаралтеш.
Фестивальыште тыгак Элнет кундемын чапланыше мурызыжо Роза Рыбаковам порын шарналтат – 10 июньышто тудын шочмыжлан 75 ий темын.
КОРНО:
– ПОМАР могыр гыч – Сотнур – Чодраял Корамас. Чодраялым пелыжым эртымеке указатель уло шолашкыла: «Нурмучаш ял», «Чоткар патыр»;
– КОРКАТОВО могыр гыч – Красный Стекловар (Кужер) – Чодраял Корамас. Чодраялым пелыжым эртымеке указатель уло шолашкыла: «Нурмучаш ял», «Чоткар патыр»;
– Татарстан ДУБЪЯЗЫ могыр гыч – Бикнарат – Усола Корамас – Чодраял Корамас. Чодраялым пелыжым эртымеке указатель уло пурлашкыла: «Нурмучаш ял», «Чоткар патыр» (тетла вес корно уке).
Толыт артист-мурызо-влак Киров да Свердловск область, Удмуртий да Татарстан гыч. Марий Эл нергенже ойлыманат огыл.
Оргкомитет.