4 ноябрьыште марий калыкнан кугу пайремже – Марий автономийым ыштымылан ик курым темеш.
«Марий ушем» мер организаций пӱтынь марий калыкым тиде кугу кече дене шокшын саламла. Шочмо калыкланна тыланена волгыдо ончыкылыкым, калык семын аралалт кодмаште пеҥгыдылыкым, икте-весе коклаште вашла умылымашым, кажнылан чоткыдо тазалыкым, еш пиалым, у тукымым куштымаште яндар уш-акылым.
Тиде кугу кече вашеш «Марий ушем» лӱмынак видеосаламлымашым ямдылен да сылнымут йӧн дене каласыме куатле ойжым темла.
«Марий ушемын» вуйверже.