Спустя шесть лет после капитального ремонта краеведческого музея города Волжска, сегодня снова просмотрел сайт этого музея. Ни этнографии марийского народа, ни районных краеведческих материалов, ни привлекательных экспозиций по истории района я там не нашёл.
Слава богу, хоть наконец-то здесь додумались провести персональную выставку Евгении Кошкиной и провели её в январе 2024 года. А остальные выставки (за исключением двух-трёх) какие-то непонятные, и совершенно не связанные ни с Марийским краем, ни с марийским народом… Татарстан там больше представлен, чем Марий Эл и конкретно Волжский район, если что касается выставок.
Начальник отдела культуры, физической культуры и спорта Волжского муниципального района Любовь Казакова несколько лет тому назад публично заявляла, что у нас есть РАЙОННЫЙ КРАЕВЕДЧЕСКИЙ МУЗЕЙ. И он находится в ГОРОДЕ ВОЛЖСКЕ. Что она имела в виду — непонятно.
ДАЛЕЕ — ТО, ЧТО Я ПИСАЛ ШЕСТЬ ЛЕТ НАЗАД
Кӱполатыште сапондылан вер лектеш мо?
Волжск олаште «Волжский краеведческий музей» манме тоштер 1983 ийыште ПАШАМ ЫШТАШ ТӰҤАЛЫН. Ондак тудо вес оралтыште вераҥын. Варажым ончычсо КПСС райкомын «суртышкыжо» куснен. Но тиде зданийын шолдыргымыжлан да капитально олмыкташ кӱлмылан кӧра пеш кужу жап суралымаште шинчен. Икмыняр пӧлемым олмыктымеке, 2016 ийыште икмыняр экспозиций зал почылтын. Икманаш, тӱрыс пашам ыштыше тӧнеж семын пашаже воранен кертын огыл.
Да вот 2018 ийыште тиде суртышкат кече шыргыжалын.
Вес йодышат лектеш: А МОМ ТУШТО ОНЧЫКТАШ ТӰҤАЛЫТ?
Вет Юлсер районысо марий-влак шукертсек «мыланна краевед тоштер кӱлеш» манын йыгылат. Лач сомылжо гына лу-кумло ий дене ок воране: Волжск ола шке семынже – район калык шке семынже. Тачат тиде йодышым илышыш пуртымаште рашлык уке.
Тыгай йодыш денак ме тоштер вуйлатыше Ирина Александровна Мусалимова дене вашлийын ужын мутланышна. Тудын ойжо почеш, тоштерым 2019 ий октябрь мучаште каптально олмыктен шутат. Тугеже Марий Элнан 100 ияш лӱмгечыже вашеш тушто экспозиций зал-влак почылтыт. Эн чотшо тушто Волжск олан шочмыжо да вияҥ толмыжо, оласе еҥ-влакын пӱрымашышт да илышыштлан вер ойыралтеш.
Мутат уке, марий районышто илена гын, марий илышым, этнографийым ончыктышо материалат ятыр лийшаш.
Туге гынат, мыйым, ты районеш шочын-кушшо айдеме семын, шке йодышемлан вашмутым шым кол: Волжск олан огыл, а районын шкенжын краевед тоштерже иктаж-кунам лиеш мо? Кеч-кузе ман, но Волжск ола район деч географий шот денат, виктарыме шот еҥат пеш чот торлен шога, районысо марий-влак тушко лачак пеш чот кӱлеш годым гына толын каят.
Но кунам районын шкенжын, марий илышым ончыктышо чапле, историй корным почшо ойыртемышан районысо тоштерже лиеш?! Вет музей нерген законышто ончыкталтын: илыме кундемыште 15 000 калык уло гын, тушто тоштер лийшаш.
Закон веле огыл, айдеме шот дене ончалмаштат Волжский районын шке краеведений тоштерже шукертак лийшаш ыле.
Ончалза, эсогыл изилан шотлалтше Килемар районышто пытартыш жапыште тыгай чапле тоштерым почыныт. Оксамат муыт, экспонатымат погат, шымленат шогат.
Ончал кертыда — https://www.culture.ru/events/4602601/obzornaya-ekskursiya-po-muzeyu
Лайд Шемйэр (Владимир Козлов).
Йошкар-Ола — Волжск- Йошкар-Ола.