Волгыдо тӱняште лий, Игорь шольо

Волгыдо тӱняште лий, Игорь шольо.
Мыняр шуко мут ойлышаш кодеш,
Мыняр шуко сомыл шукталтде кодеш.

Пеш самырык кает.
Тыйын весела куымлетлан, порылыкетлан мучаш уке манын шоненна.
Шке усталыкет дене мыняр куандарышыч, кумылнам нӧлтышыч, полшышыч.

Чеверын манаш але ондак. Чевреласена эрла.

Игорь Актугановым жаплыше да чеверласаш шонышо-влаклан увер. Ончыч нигуштат тидым увертарыме огыл ыле, но мый таче тыгайым колынам: Самырык йолташна дене чеверласымаш 23.11.2021. Йошкар-Олаште, Марий самырык тетарыште 10.00 шагатлан тӱҥалеш.

Игорь Актугановын ӱмыр лугыч лиймыжлан уло родо-тукымжылан да лишылже-влаклан «Марий ушем» мер организаций лӱм дене чаманымашнам луктын каласена.

Тиде фотом Татарстанысе Буймо кундемыш гастроль да редакций паша дене миен коштмо годым 2012 ий 15 февральыште ыштенна.
Теве тыге кумдан ужын да аклен ты тӱням, йывыртен моштен сценыштат да илышыштат ик семынак Марий Элын калык артистше Игорь Актуганов.

Вячеслав Абукаевын «Изуремыште кугу сӱан» пьесыж почеш шындыме спектакльыште. Буймо ял. 2019 ий 15 февраль.

«Марий ушем» лӱм дене
Владимир Козлов (Лайд Шемйэр)